FickleMinded

Magandang araw mga ka-LP!,as usual araw na naman ng huwebes,ibig sabihin araw na naman ng paglathala ng lahok para sa LitratongPinoy. At ito ang aking larawan para sa lingong ito na sa aking palagay ay tugma para sa ating paksa na Luma.(Litrato ko sana ang ilalagay ko dahil feeling luma na rin naman ako,pero sa susunod na lang kapag ang kategorya eh, Antique).

Ang larawan sa  ibaba  ay lumang perang papel ng Pilipinas na ang halaga ay dalawang piso,matagal na itong wala sa sirkulasyon at kung hindi ako nagkakamali,huli akong nakatanggap ng ganitong pera bilang pamasko ay nuong ako ay nasa Grade 2 pa,at sigurado akong hindi ito ang nasa larawan,dahil nuong panahon na iyon ay pwede pa itong gastusin ,sa sobrang luma at tagal na rin nito sa aking pitaka,nakalimutan ko na kung sino ang nagbigay nito sa akin.

Ito namang isang larawan ang lumang pera din dito sa Canada na ang halaga naman ay CA$2. Nalaman ko lang na wala na rin pala ito sa sirkulasyon nuong ako ay dumating dito sapagkat ang kanilang CA$2 na ginagamit ngayon ay coins na.  Binigay ito sa akin ng aking pinsan bilang souvenir nuong unang taon syang dumating dito.

Pinag-iisipan ko pa kung may mga halaga pa ito kapag ibinenta ko sa e-Bay!